Wo log jo kuch roz jawani mein milein gye

وہ لوگ جو کچھ روز جوانی میں ملیں گے

Poet: Atbaf Abrak
Voice: Muneeb ur Rehman Khalid




وہ لوگ جو کچھ روز جوانی میں ملیں گے ہر شام وہ پھر تیری کہانی میں ملیں گے ڈھونڈو نہ ہمیں دنیا کی رنگین فضا میں ہم لوگ کسی یاد پرانی میں ملیں گے حالات کی تپتی ہوئی دوپہر میں بچھڑے یہ طے ہے کسی شام سہانی میں ملیں گے اک خواب تُلا رہتا ہے ہجرت پہ ہمہ وقت اک روز اسی نقل مکانی میں ملیں گے دعوی نہیں امید نہیں، رکھتے یقیں ہیں ہم پھر سے اس کوچہِٕ فانی میں ملیں گے ملنا ہے اگر ہم سے تو پڑھ لیجئے ہم کو ہم لوگ تری آنکھ کے پانی میں ملیں گے یو نہی نہ ٹٹولو ہمیں لفظوں میں ہمارے ہم بات نہیں بات کے معنی میں ملیں گے جب تک غمِ مطلوب ٹھکانا نہیں لگتا لگتا ہے سخن، شعر روانی میں ملیں گے اک بات یہی سوچ کے سنتا نہیں دل کی کچھ اور نئے غم ہی نشانی میں ملیں گے ہر موڑ پہ ابرک ہمیں ہوتا ہے گماں یہ اس موڑ پہ ہم پھر سے کہانی میں ملیں گے